我要走了，到一個陌生的角度，

學習自立，

體味一番。

我知道，我係時候要長大了。

總不能永遠待在父母身邊，

係佢地嘅護蔭下成長。

也不能永遠是朋友同學同事堆中，

長不大的小孩。

既然我當初立定決心去exchange，

今天就要有勇氣去面對。

況且，

3個月，只係1年裡面嘅四分之一，

話長唔長，話短唔短。

我深信，

只要我enjoy投入，就好似實習咁，

一定會好快會過去，

一定會有相當的得著。

提提大家，唔好太掛住我，

但得閒要諗起下我，

知道未？

唔經唔覺，

原來返左工已經兩個月。

曾經，

好害怕，

對自己好無信心。

返工之前，

淆底得很，

自己vo差，

點算好呢？

我會唔會只係一個扑咪嘅記者呢？

由衷感謝每位俾機會、

幫過我嘅同事、

part過 + 請我食雪糕的camman叔叔/哥哥、

仲有並肩作戰的intern同學仔。

不能盡錄，

亦不敢詳錄，

怕遺留了某某，

總之一切在心中吧！

短短一個月，

做過鯊魚、

做過天秤、

做過書展、

做過西瓜、

做過長貨車、

做過court、

做過斷掌、

仲有我最愛的皇后碼頭 =)

故仔有軟有硬，

加加埋埋原來有12隻，

算係對自己有所交代。

起碼當年力排眾議、

堅持走一條自己喜歡的路，

決定無錯。

至今，

我仍然無悔。

我享受工作嘅過程。

雖然今日唔知聽日事，

朝不保夕，

但那份滿足感，

卻令人樂在其中。

不知是因為貪新鮮？

還是真正喜歡新聞？

但願兩者共存，

因為只有喜歡新聞的人，

才可堅守這個吃力不討好的工作岡位。

哈，

我知最初大家都唔太睇好我，

覺得我唔捱得，

亦受唔住氣，

好容易會喊??

但原來，

我不如大家想像般可人，

膽小怯懦。

我也有堅強的一面，

只因我熱愛我的工作。

要數最開心的，

當然是有機會做皇后碼頭。

?/SPAN>爸爸媽媽同我講，

呢個年紀比我大嘅碼頭，

係佢地年少時，

拍拖嘅熱門勝地；

亦係細細個嘅時候，

一家人共享天倫嘅地方??

皇后碼頭，

呢個見證住我地集體回憶嘅地方，

唔知大家又有無心同感受呢？?/SPAN>

我的開辯稿，

我認為自己表現最好的一場比賽。

亦係一場真正屬於我莊的比賽。

皇后碼頭，

真的是保存著大家的集體回憶。

哈，

但有時理性咁諗，

佢嘅歷史同保留價值，

真的不大。

不認同?/SPAN>本土?/SPAN>成員絕食嘅方法，

不理智、

不負責任。

但佩服他們的堅持，

不懼強權。

親眼睇住他們日漸消瘦，

身體變得虛弱。

但佢地都無放棄，

互相支撐，

真的不敢肯定自己有無呢份執著。

遺憾，

是未能目睹、

清場一刻。

讀新聞，

是想置身現場、

親歷轉變。

可惜，

8月1日，皇后清場，

而我卻轉desk，成為財仔同事。

<樓盤傳真>，

我會好好做埋呢個月。

SIDE TRACK一點，

請大家唔好再講，

尤其荃灣的剪片同事，

"原來你真人係咁矮細？"

好耐無update過我個xanga，做了intern一個月，的確辛苦，但好開心。

辛苦嘅係工作時間長，好多野預計唔到。

突如其來嘅事，令你感困惑，感迷茫。

每一日都係咁衝，衝完一輪，冷靜落黎，會覺得好失落。

但開心嘅係有同事們嘅關懷同照顧，暖在心頭。

加上每一天都是新一天，每一天都有新挑戰。

這其實是我所想所渴求的。

不是嗎？人生匆匆數十載，但世界就無邊無盡，我地唔係應該盡量睇多啲，嘗試多啲，咁先至過得充實啲？

點解我咁矛盾，想睇多啲，但又要害怕？

我信我可以克服的。

特別在此，鳴謝programme A的同事，多謝你們給我學習機會，多謝你們的寵愛，多謝你們的鼓勵，我會記住你們，也會在assign desk好好努力。

我愛你們啊，同你地去bbq好開心。